a Monsieur le Reverendissime EVESQUE D'EVREUX MONSIEUR, AYANT delibere de mettre en lumiere ma Confession (oeuvre que je puis vanter n'estre pas publici saporis) je n'ay pas voulu faire comme ces ignorans, lesquels ayant quelque oeuvre doubteux a mettre au vent, cerchent pour la deffence de leurs ecrits les uns le Roy, qui a tant d'autres choses a defendre, les autres quelque Prince non mesdisant, comme un des traducteurs du Tasso, qui a choisi pour son apologue le Prince de Conty ; les autres y employent les Gouverneurs, plus soigneux des rescriptions que de rymes, ou les Financiers occupez a l'exercice de leur fidelite.