ડૉ. હરેશ બી. સુથાર
(એમ.એ., એમ.ફિલ., પીએચ.ડી.)
ડૉ. હરેશ બી. સુથારનો જન્મ તા. 06/09/1980 ના રોજ અડાસ (તા. જી. આણંદ) મુકામે થયો હતો. તેમનું મૂળ વતન ગંભીરા છે અને તેઓ હાલમાં વડોદ મુકામે રહે છે. તેમણે બી.એ.નો અભ્યાસ એન. એસ. પટેલ આર્ટ્સ કોલેજ આણંદમાં કર્યો હતો. એમ.એ. અને એમ. ફિલ.નો અભ્યાસ સરદાર પટેલ યુનિવર્સિટી વલ્લભ વિદ્યાનગરમાં સમાજશાસ્ત્રના અનુસ્નાતક વિભાગમાંથી પૂર્ણ કર્યો હતો. તેમજ તેમણે પીએચ.ડી.નો અભ્યાસ પણ સરદાર પટેલ યુનિવર્સિટી વલ્લભ વિદ્યાનગરથી શૈક્ષણિક વર્ષ 2014માં પૂર્ણ કર્યો હતો.. તેમણે વ્યાખ્યાતા તરીકે 5 વર્ષ સુધી એન. એસ. પટેલ આર્ટ્સ કોલેજ આણંદમાં પોતાની સેવાઓ આપી છે. છેલ્લાં 2 વર્ષથી તેઓ શ્રી સરકારી વિનિયન કોલેજ, ઝગડિયામાં પ્રાધ્યાપક તરીકે પોતાની સેવાઓ આપી રહ્યા છે. શૈક્ષણિક પ્રકાશનોમાં આંતરરાષ્ટ્રીય કક્ષાએ તેઓશ્રીએ 5 સંશોધન લેખો અને ISBN ધરાવતાં ત્રણ પુસ્તકો પણ પ્રકાશિત કર્યાં છે. આ તેમનું ચોથું ISBN પુસ્તક પ્રકાશિત થઇ રહ્યું છે.